వివేక భారతి ఆటవెలదులు - 8

 36.

పల్లెటూరి పసిడి పైరు పంటలె కాదా

పంట మారి పాయె ప్లాటు లాగ

పనులు లేక పల్లె కన్నీరు గా మారె

బుద్ధిధాత్రి దివ్య భారతాంబ

37.

గొప్పతనము రాదు గుర్తించినప్పుడు

గొప్ప వారి చరిత గోచరించు

గొప్పతనము పోదు గుర్తించనప్పుడు

బుద్ధిధాత్రి దివ్య భారతాంబ

38.

సంద్ర మంత చిక్కు సాధించు సమయాన

మత్స్య రూపు దాల్చు మరవకుండ

కాదు సింహ మనిన కడలి నిను మునుపు

బుద్ధిధాత్రి దివ్య భారతాంబ

39.

జేబు తడిమె మైత్రి జగమెల్ల నుండును

జేబు వెనక గుండె జూడ గలడ

గుండె లోని మనసు గుర్తించుడే మైత్రి

బుద్ధిధాత్రి దివ్య భారతాంబ

40.

బాళిభగము లేక ఫలితమేల, రణము

రాజి లేక రాజ్య విజయ మేల

విత్తు వేయ కుండ విటపి యంటేయేల

బుద్ధిధాత్రి దివ్య భారతాంబ