41.
మంచి హితుడు లేని మనిషి మనిషి యేల
మనసు లేని మనిషి మనిషి యేల
మంచి మాట లేని మనిషి మనిషి యేల
బుద్ధిధాత్రి దివ్య భారతాంబ
42.
సజ్జనుడుడి మాట సన్మార్గ సూచిక
తప్పు పెరిగినపుడు తరిమి వేయు
చుక్క మెరుపు మెరువు చీకటున్నప్పుడే
బుద్ధిధాత్రి దివ్య భారతాంబ
43.
అద్రి పొడుపు రంగు అరుణ వర్ణమునుండు
పొద్దు పెరుగు కొలది పొగరు మారు
కాలమునకు తగ్గ కార్యచరణ చేయి
బుద్ధిధాత్రి దివ్య భారతాంబ
44.
నీరు తీర్చు నీకు నిండైన దాహము
కూడు తీర్చు నీకు కొంత గొద ను
మంచి పుస్తకంబు మార్చు నీ బతుకును
బుద్ధిధాత్రి దివ్య భారతాంబ
45.
పగలు వెనక రాత్రి పగ పెంచుకున్నట్లు
వాన వెనక ఎండ వచ్చినట్టు
మంచి చెడుల మధ్య పొంచి వుండు వైరము
బుద్ధిధాత్రి దివ్య భారతాంబ
46.
తండ్రి వేయు దెబ్బ తనయుడి మేలుకే
తల్లి వేయు దెబ్బ తనయ లలికే
గురువు వేయు దెబ్బ గుణవంతుడగుటకే
బుద్ధిధాత్రి దివ్య భారతాంబ
47.
అమ్మ మాట వుండు ఆనందమయముగా
నాన్న మాట వుండు నవనితముగ
గురువు మాట వుండు గుర్తించు విధముగా
బుద్ధిధాత్రి దివ్య భారతాంబ
కామెంట్‌లు లేవు:
కామెంట్‌ను పోస్ట్ చేయండి